ПОЛЬШ УЛСАД НЯМ ГАРАГТ АМРАХ ХУУЛЬ БАТЛАГДЛАА

Польш улсын ерөнхийлөгч ням гарагт ажиллах явдлыг шат дараалалтайгаар багасгах хуулинд гарын үсэг зураад байна. Шинэ хуулинд заасны дагуу 3-р сарын 1-ний өдрөөс эхлэн сар бүр 2 ням гарагт иргэд худалдаа хийхгүй амрах юм. Энэхүү хязгаарлалтыг 2019оноос сард гурван ням гараг болгож, 2020оноос жилд 7ням гарагт ажиллахгүй байхаар тогтоосон бөгөөд эдгээр өдрүүдэд интернэт худалдаа, шатахуун түүгээгүүрийн газрууд, эмийн сан болон зарим цэцэг худалдаалдаг газрууд ч ажиллахгүй юм байна. "Нийгмийн эв санааны нэгдлийг харуулах цаг болсон. Зарим иргэд худалдааны салбарт ажилладаггүй ням гарагт амардаг бол зарим нь худалдааны байгууллагад ажилладаг болохоор ням гарагт амарч чаддаггүй. Тэд үр хүүхэд, эхнэр нөхөр, гэр бүл, найз нөхөдтэйгөө амралтын өдрүүдийг өнгөрүүлж чаддаггүй. Энэ хүмүүс ч гэсэн ням гарагт амрах эрхтэй" гэж ерөнхийлөгч Андржей Дуда хэлсэн байна. Польшийн үйлдвэрчний эвлэлүүд болон католикийн шашны сүмүүд шинэ хуулийг дэмжиж байгаагаа илэрхийлсэн бол шүүмжлэгчид энэ хуулийг эдийн засгийн өсөлт болоод компаниудын ашигт сөргөөр нөлөөлнө гэж анхааруулж байна.