ИХ БРИТАНИЙ ЭДИЙН ЗАСАГ ЯМАР Ч ТОХИОЛДОЛД БУУРАХ БОЛНО

Брэкситийн зөөлөн, хатуу аль ч аргаар явуулсан Их Британий эдийн засаг буурах болно гэсэн хариу тус улсын засгийн газрын явуулсан судалгаанаас гарчээ. Энэхүү судалгааг Британий засгийн газрын нууц даалгавраар явуулсан бол энэ мэдээллийг "Buzzfeed" олон нийтэд дэлгээд байна. Судалгаагаар Брэксит явагдаж болзошгүй 3 боломжийг судалж үзсэн байна. Судалгааг явуулсан багийн тайланд чөлөөт худалдааны гэрээ хийгдсэн тохиолдолд ирэх 15жилийн хугацаанд эдийн засаг 5%-аар буурна, гэрээ хийгдээгүй тохиолдолд 8%-аар буурна гэсэн тооцоо гарчээ. Хамгийн боломжтой хувилбар буюу Их Британичууд ЕХ-ны дотоод зах зээлд үлдсэн тохиолдолд эдийн засгийн өсөлт нь 2%-аар буурах төлөвтэй байна. Энэхүү нууц судалгаанас харахад эдийн засгийн бүх салбаар болоод улсын бүх бүс нутгуудад Брэксит муугаар нөлөөлөх нь тодорхой байгаа юм. Түүнээс гадна Лондон хот эдийн засгийн төв гэдэг утгаараа их хэмжээний хохирол амсах болно. АНУ-тай шинэ тохиролцоо хэдийгээр тус болох боловч Брэкситээс болж учирсан хохирлыг нөхөж чадахгүй. "Buzzfeed"-ийн тавьсан энэ судалгааг яагаад олон нийтэд дэлгэхгүй байгаа юм бэ гэсэн асуултад Брэксит хариуцсан яамнаас "ичгэвтэр болохоор" гэсэн хариуг өгсөн байна.