СИРИЙН ЭНХИЙН УУЛЗАЛТ ХЭЛЭЛЦЭЭР ӨНДӨРЛӨЛӨ

ОХУ-ын Сочи хотод зохион байгуулагдсан Сирийн энхийн чуулга уулзалт өндөрлөлөө. Чуулганы төгсгөлд тус улсын ерөнхийлөгч Башар Ал Ассадыг дэмжигчид болоод эсэргүүцэгчид тус улсыг шинэ хуультай болж, ардчилсан сонгууль явуулснаар тайвын байдлыг авчрах боломжтой гэдэг дээр санал нийлсэн байна. Гэвч Хар далайн эрэг дээр болсон уг уулзалтанд Сирийн сөрөг хүчний гол бүлгүүд ирээгүй юм. Ерөнхийлөгч Владимир Путины томилсон Сирийн тусгай төлөөлөгч Александер Лаврентев уулзалтанд сэтгэл хангалуун байгаагаа илэрхийлээд "Энэ удаагийн чуулга уулзалтын хамгийн гол зорилго нь Сирийн дайнд оролцож байгаа маргалдагч талуудын дунд уулзалт хэлэлцээрийг эхлүүлэх байсан. Энэхүү уулзалт НҮБ-ын Сирийн асуудал хариуцсан тусгай төлөөлөгч Стаффан Дэ Мистураадхуулинд өөрчлөлт хийх боломжийг гаргаж өгч байна. Үүнээс өмнө явагдсан бүх оролдлогууд талаар өнгөрч байсан" хэмээн хэллээ. Москва, Тегеран, Анкарагийн засгийн газруудын хамтран зохион байгуулсан чуулга уулзалтын төгсгөлд "Зөвхөн Сирийн иргэд л ардчилсан сонгууль явуулж, өөрийн улсын улс төрийн системийг тогтоох боломжтой" гэсэн тунхагийг гаргасан байна. Эндээс томилогдсон тусгай хороо хуулийн шаардлагатай өөрчлөлтүүдийг хийхээр боллоо."Тусгай хороог НҮБ-аас томилох болно" гэж Дэ Мистура мэдэгдсэн бол энэ нь хэр хугацаанд явагдах нь тодорхойгүйгэж ажиглагчид үзэж байгаа юм.