АНУ ОХУ-ЫН ОЛИГАРХУУДЫН ЖАГСААЛТЫГ ГАРГАЛАА

АНУ 2016 оны ерөнхийлөгчийн сонгуульд хууль бусаар оролцсон ОХУ-ын эсрэг арга хэмжээ авах зорилгоор тус улсын өндөр албан тушаал бүхий 114 улс төрч, Кремлийн засгийн газрыг дэмждэг 96 удирдах албан тушаалын менежерүүдийн нэрийг багтаасан жагсаалтыг олон нийтэд зарласан байна. Энэхүү жагсаалтыг "Оросын олигархуудын жагсаалт" гэж нэрлэж байгаа юм. ОХУ-ын ерөнхийлөгчийн хэвлэлийн төлөөлөгч Дмитрий Песков "Уг жагсаалт нь ОХУ-ын иргэн бүрийг дайсан гэж зааж байгаа, энэ нь Оросын компаниуд төдийгүй улс төрчдийн хувьд сөргөөр нөлөөлөх болно. Манай улсын засгийн газар АНУ-ын гаргасан тайланг сайтар шалгаж, арга хэмжээ авах болно" гэж хэлсэн байна. АНУ-ын засгийн газар тус улсын эсрэг өөр хориг ара хэмжээ авахгүй, одоо хэрэгжүүлж байгаа хориг арга хэмжээнүүд хангалттай нөлөө үзүүлж Оросын компаниудад дарамт болж байгаа гэж үзэж байгаа юм. Тус улсын авч байгаа хориг арга хэмжээнээс болж бусад улс орнууд ОХУ-аас зэвсэг авах боломжгүй болоод байна.