АЗИД ЗАГВАР ӨМСӨГЧӨӨР АЖИЛЛАХ АМАРГҮЙ

ОХУ төдийгүй Зүүн Европын олон бүсгүй загвар өмсөгч болохыг хүсдэг. Гэвч тэдний ихэнх нь БНХАУ-д загвар өмсөгчөөр ажиллах ямар хэцүү байдгийг мэддэггүй. "China Fashion Week" загварын 7хоногийн үеэр Полина Зубрицкая өглөө бүр 6 цагт босч өглөө үүр цайж байхад л гэртээ ирдэг байна. Тэрээр "Дараагийн өдөр юу болохыг мэдэх боломжгүй учраас унтаж ч чаддаггүй. 5 минут тутамд бүх зүйл өөрчлөгдөж байдаг. Зарим өдөрт нэг цаг ч ажиллаж мэднэ, эсвэл 12 цаг ч ажиллаж мэднэ" гэж хэлж байна. Полина Зубрицкая нь Новосибирскийн харъяат төдийгүй ОХУ-даа олонд танигдсан алдартай загвар өмсөгчдийн нэг бөгөөд Хятадад 3 сар ажиллахдаа 4700 долларын хөлс авсан байна. Украины загвар өмсөгч Лиза Коваленко 18 настай Хятад ажиллаж туршлага суух боломжтой гэж хэлж байна. Тэр "Хэдий хэцүү ч гэсэн маш их туршлага хуримтлуулдаг нь хамгийн чухал. Энэ нь дараа Европ, Украи, Орост ажиллахад хэрэгтэй. Хятадад ажиллахад маш сайн бэлтгэл болж байгаагаас гадна багагүй мөнгө олдог. Бүгд л энд мөнгө олохын тулд ирдэг" гэж хэлсэн юм. Өнгөрсөн намар 14 настай нэгэн загвар өмсөгч Шанхай хотод болсон загварын 7хоногийн үеэр нас барсан явдал олны анхаарлыг татаж байсан юм. Тэрээр мөнгө олохоор Азид ирснээс гадна өдөрт 7долларын цалинтай ажилладаг байжээ. Нас барсан охиныг хариуцсан загварын товчоо түүнийг ажлын ядаргаанаас болж нас бараагүй гэж мэдэгдэж байсан юм.