ХИМАЛАЙД ОСОЛДСОН УУЛЧДЫН НЭГИЙГ АВАРСАН БАЙНА

Хималайн оргилын 8126м- өндөрт байдаг Нанга Парбатаас Францын уулчныг олсны дараа аврагчид түүний хамтрагчийг хайх ажлаа зогсоогоод байна. Элизабет Револ, Томас Макивич нар дэлхийд өндрөөрөө 9-т бичигддэг оргил руу авирч байгаад 7400м-ийн өндөрт осолдсон байна. уулын хөтөч, түргэн тусламжийн эмч мэргэжилтэй Эммануэл Кочи "Элизабет Револ хөлдөлтийн дараах эмчилгээг амжилттай давж гарсан. Нөгцөл байдалтай харьцуулахад тэрний биеийн байдал харьцангуй сайн байгаа. Гэвч дараагийн нөлөө маш чухал. Хүн хурууны үзүүр, чихээ алдсанаар өдөр тутмын амьдралд багагүй нөлөөлдөг. Ялангуяа уулчдын хувьд. Бид түүнийг Франц улс руу буцааж авчрах ажлыг зохион байгуулахаар ажиллаж байгаагаас гадна энд ирснийх нь дараа эмчилгээг нь үргэлжлүүлэх болно" гэж хэлсэн байна. пакистан улсын Алпин клуб Польшийн сайн дурынхантай хамтран аврах ажиллагааг явуулснаар ууланд осолдсон Револийг олж ойролцоо орших баазад авчирч нисдэг тэргээр уулын бэлд авчирсан байна. Цаг уурын байдал таагүй байгаатай холбоотойгоор аврагчид түүнтэй хамт явж байсан эрэгтэйг аврахаар дахин уул руу гарч чадаагүй боловч түүнийг амьд байх боломжгүй гэж үзэж байна.