АВСТРИЙН КАНЦЛЕР В.ОРБАНЫГ ХҮЛЭЭНА АВЧ УУЛЗАНА

Австри улмын канцлер Себастиан Курц өнөөдөр Унгар улсын ерөнхий сайд Виктор Орбаныг Вени хотод хүлээн авч уулзана. Энэ удаагийн уулзалтаар Унгар улсын барихаар төлөвлөж байгаа цөмийн цахилгаан станцын талаар хэлэлцэх учраас маргаан гарч болзошгүй гэж ажиглагчид үзэж байгаа юм. Австрийн засгийн газар энэ талаар гомдол гаргахаар зэхэж байгаа бөгөөд Вениэс мөн өөрийн улсад ажиллаж байгаа Унгар иргэдийн хүүхдүүдэд олгодог дэмжлэгээ зогсоохоор төлөвлөж байгаа зэрэг нь маргаанд гарах шалтаг юм. Унгар улсын улс төр судлаач Ботонд Феледи "Хоёр улсын тэргүүлэгч нь олон улсад танигдах хүсэлтэй хүмүүс юм. Гэвч тэд эхлээд орон нутагтаа байр сууриа засах шаардлагатай. Хэдийгээр тэд өрсөлдөгчид боловч хэн хэнд нь хэрэгтэй тохиолдолд хамтран ажиллахаас татгалзахгүй байх" гэсэн таамгийг дэвшүүлж байна. Унгарын ерөнхий сайд Виктор Орбаны Венид айлчилж байгаа явдлыг сөрөг хүчнийхэн хүчтэй шүүмжилж байгаа юм. Эс Пэ Ө нам канцлер Курцийг хар-хөх эвслийн засгийн газрын европыг баримталсан бодлогыг тодорхой байлгахыг шаардаж байгаа юм.