АВТОМАШИНЫ ХОРТ УТААНЫ СУДАЛГААГ ХҮН, САРМАГЧИН ДЭЭР ХИЙДЭГ БАЙЖЭЭ

ХБНГУ-ын автомашинуудаас ялгарч байгаа хорт утааг хүн болон саомагчин дээр туршсан явдал олон нийтийн дургүйцлийг ихээр хүргэж байна. Холбооны улсын канцлер Ангела Меркел энэхүү туршилтыг байж боломгүй зүйл хэмээн үзэж байгаагаа илэрхийлээд тайлбар хийхийг шаардсан байна. Түүний хэвлэлийн төлөөлөгч Штеффен Зайберт "иргэдийн дургүйцэх нь аргагүй юм" гэж хэлсэн байна. Холбооны улсын зам тээврийн яамны сайд Кристиан Шмидт, Нийдерзаксен мужийн ерөнхий сайд Штефан Вайл нар ч энэхүү туршилтыг эсэргүүцэж байгаа бол Фольксваген концерны үйлдвэрийн дарга Бернд Остерлох арга хэмжээ авахыг шаардлаа. Уг туршилтыг Фольксваген , Даймлер, "Бэ Эм Вэ", Бош концерниудын хамтран байгуулсан "Э У Г Т" судалгааны төв явуулсан байна. 2014оноос хойш АНУ-д сармагчин дээр явуулсан туршилтаар Фольксвагены дизель хөдөлгүүрээс ялгардаг хорыг батлах зорилготой байжээ. Харин хүн дээр явуулсан туршилтууд нь 2013оноос хойш Аахэн хотын их сургуулийн эмнэлэг дээр явагдаж байгаагаас гадна мөн л "Э У Г Т" байгууллагаас санхүүжүүлдэг байна. Тус эмнэлгийн мэдээлж байгаагаар энэ туршилт нь дизел хөдөлгүүрээс ялгарч буй хорны хүмүүст үйлчилдэг нөлөөг бус ажлын байран дээр хүлэмжийн хийн хэмжээг тодруулах зорилготой юм байна. Түүнээс гадна дизель хөдөлгүүрийн судалгаатай холбоогүй гэж тус эмнэлгээс гадна Фольксваген концерниуд мэдэгдэж байна.