ДЭНЖИЙН МЯНГААС СУДАЛТ ТӨВ ХҮРТЭЛ НЭГ ЧИГИЙН ХӨДӨЛГӨӨНД ОРУУЛНА

Сар шинийн өмнөх амралтын өдрүүдэд замын хөдөлгөөний ачааллыг бууруулах чиглэлээр Замын цагдаагийн албанаас улсын дугаараар ялган хөдөлгөөнд оролцуулахаар болсон. Түүнээс гадна иргэд сар шинийн ууц, мах авч ачаалал ихэсдэгтэй холбогдуулан хоёрдугаар сарын сарын 03, 04, 10, 11-ний амралтын өдрүүдээр Дэнжийн мянга орчмын далангийн замыг нэг чигийн хөдөлгөөнд оруулахаар болжээ.

Тодруулбал, "Дэнжийн мянга" худалдааны төвийн замын хөдөлгөөнийг "Хүчит шонхор" худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулж, зохицуулалтын арга хэмжээ авч ажиллахаар болсон байна.