МАКАКА САРМАГЧНЫ ХУВИЛАХ ТУРШИЛТ АМЖИЛТТАЙ БОЛЖЭЭ

Эсийг хувилах аргаар гаргаж авсан Хуахуа болон Жунжун хочтой хоёр Макака сармагчны моншнууд мэндлээд хоёр сар болж байгаа талаар Хятадын Синьхуи агентлаг мэдээллээ. Хятадын эрдэм шинжилгээний "Сун Цян" төвийн эрдэмтэд 5жил үргэлжилсэн судалгаагаараа сүүн тэжээлт амьтдыг хиймэл аргаар хувилан гаргах нарийн төвөгтэй аргыг шийдэж чадсан талаар "Cell" /Селл/ сэтгүүл нийтэлсэн байна. Энэхүү аргыг гарган авснаар ирээдүйд нэг жилийн дотор олон сармагчныг гаргаж авах боломжтой болж байгаа юм. Тэгвэл пап ламын дэргэдэх "амьдралын академи" энэхүү шинжлэх ухааны ололттой холбоотойгоор дэлхий дахинд төрөл зүйлийн талаар уулзалт, маргаан явуулахыг шаардаж байна. уг академийн шинжлэх ухааны салбарын гишүүн Паьер Карло Касалонэ "Бурхан бүтээх чадварыг хүн төрөлхтний гарт өгсөн. тэрээр бидний үүрэг хариуцлага, чадварт итгэж байгаа" гэж хэлээд " Хүмүүс шинжлэх ухааны ололт амжилтанд хүрэхийн тулд амьтдыг дэмий тарчлааж байна. Тиймээс хүн төрөлхтөн экологийн системд оролцож байгаагаа, тэр нь ямар нөлөөтэй болохыг мөн ямар эрсдэл гарч болохыг хэзээ ч мартаж болохгүй" гэж анхаарууллаа. Шанхайн эрдэм шинжилгээний байгууллагын явуулсан энэхүү судалгааны үр дүн нь ирээдүйд хүнийг ч мөн хувилж болно гэдгийг харуулж байгаа юм. Өнөөг хүртэл эрдэмтэн судлаачид зөвхөн бусад хөхтөн амьтдыг хувилах оролдлогуудыг хийж байсан боловч бүтэлгүйтэж байсан юм.