ПАРИСЫН УСНЫ ТҮВШИН НЭМЭГДСЭЭР БАЙНА

Парис хотын үерийн усны түвшин нэмэгдсээр 5,95м-т хүрсэн нь урьд өмнө байгаагүй өндөр хэмжээ гэж тус улсын үерийн мэдээллийн Вижикрюс төвөөс мэдээллээ. Эрх баригчид усны түвшин дахин буурч хэвийн хэмжээнд хүрэх хүртэл хэдэн 7хоног үргэлжилнэ гэж үзэж байна. Нийслэл хотын эргэн тойронд байдал бага багаар дээрдэж байгаа боловч хотын эргэн тойронд 1000орчим иргэн орон гэрээ орхихоос аргагүй болсон гэж цагдаагийн байгууллага мэдээллээ. Хэд хоногийн өмнөөс зарим гудамж талбайг чөлөөлж, галт тэрэгний зарим зогсоолуудыг аюулгүй байдлыг хамгаалах зорилгоор хаасан бол Луврын музейн доод давхрыг ч мөн адил хааж, бусад музейнүүд үзмэрүүдээ аюулгүй газарт нүүлгэн шилжүүлжээ. Гэвч энэ удаагийн үерийн хэмжээ 2016 онд усны түвшин 6м гаруй өндөртэй болж байсныг гүйцээгүй гэж мэргэжилтнүүд хэлж байна.