ГЕРМАНЫ ЕРӨНХИЙЛӨГЧ ЙОРДАНИ УЛСАД АЙЛЧИЛЛАА

ХБНГУ-ын ерөнхийлөгч Франк Вальтер Штайнмайерийг Йордани улсад айлчлах үеэр Абдулла хаан Амман хотод өөрийн ордны гадна хүндэт харуулын хамтаар хүлээн авч уулзлаа. Холбооны улсын ерөнхийлөгч Йордани улсыг олон зуун мянган Сирийн дүрвэгсдийг өөрийн улсад хүлээн авч байрлуулж байгаад талархал илэрхийлсэн байна. 10сая иргэнтэй тус улс одоогийн байдлаар 600гаруй мянган орон гэрээ орхин дүрвэсэн иргэдийг өөрийн улсад аваад байна. Штайнмайер "Герман-Йордани улсуудын харилцаа өнгөрсөн жилүүдэд улам дотносож байна. Бид та бүхний өөрийн бүсэд явуулж байгаа бодлогыг маш ихээр хүндэтгэн хүлээн авч байгаа" гэж хэлсэн юм. Хоёр улсын тэргүүнүүд уулзалтын үеэр Саудын Араы, Иран болон Ойрхи Дорнодын асуудлуудыг хэлэлцсэнээс гадна Ерусалим хотын ирээдүйн талаар мөн хэлэлцлээ. Абдулла хаан "Ерусалим болон энхийн хэлэлцээрийн ирээдүй хамгийн чухал асуудал юм. Палестин болон Ерусалимын талаарх бидний бодлыг та бүхэн сайн мэдэж байгаа байх. Бид Зүүн Ерусалим нийслэлтэй Палестин улсыг тусгаарлах нь зүйтэй гэж үзэж байгаа" гэж хэлсэн байна. Өнөөдөр Холбооны улсын ерөнхийлөгч Штайнмайер Сири улсаас ирсэн 30 гаруй мянган дүрвэгчийн байрлаж байгаа лагерьт зочилж, Йордани улсын Ал Асрак дахь цэргийн баазад зочлох болно. Энэ баазад Холбооны улсын 300 гаруй цэрэг Торнадо пуужингаас хамгаалах 4төхөөрөмжи болон шатахуун тээвэрлэгч онгоцны хамтаар байрлаж байгаа юм. Энэхүү айлчлалын дараа ерөнхийлөгч Штайнмайер эхнэр Элькэ Бюдэнбэндерийн хамтаар Леван улсад айлчлах болно.