ШВЕЙЦАРИ УЛСААС ОЛДСОН ЗАНДАНШУУЛСАН ШАРИЛ ОЛНЫ АНХААРЛЫГ ТАТАЖ БАЙНА,

Египт, Өмнөд Америк, Азийн орнуудаас биш Швейцари улсын Базель хотод байдаг нэгэн сүмээс олдсон занданшуулсан шарил дэлхийн шинжлэх ухааны салбарыг гайхшруулж байна. 43жилийн өмнө олсон шарилын нууцыг судлаачид тайлж Анна Катарина Бишоф, 1719онд Штрассбургт төрсөн, 1м 42см өндөр, 7хүүхэдтэй мөн Их Британий гадаад хэргийн сайд Борис Жонсоны холын хамаатан гэдгийг тогтоожээ. Швейцарийн Рөүз Мари Бробстрина ч мөн уг шарилын холын хамаатан юм байна. Тэрээр "Анх их цочирдсон. энэ бүхэн ямар учиртай болохыг мэдэхийг маш их хүсч байна" гэж хэлж байна. Занданшуулсан энэ шарил судлаачдын хувьд маш чухал олдвор юм. Швейцарийн алдартай шарил судлаач Франк Рюли "Энэ бол үнэхээр ховор бас гайхалтай тохиолдол. Ийм зүйл болно гэж хэн ч төсөөлөөгүй байсан. Ихэнх тохиолдолд шарил хэнийх болох талаар урьдчилсан таамаг гарсан байдаг" гэж хэлжээ. Энэ удаагийн шарил нь ямар нэгэн фараон, эзэн хаантай холбоогүй бөгөөд Анна Катарина Бишофын талаар эрдэмтэд ямар ч мэдээлэлгүй байсан юм. Базель дахь байгалийн түүхийн музейн ажилтан Герхард Хотц хэн нь үл мэдэгдэх шарилыг хэн болохыг нь тогтоосон учраас энэ олдворыг шинжлэх ухааны гайхамшиг гэж хэлсэн байна. Энэ удаагийн шарил таних ажиллагааг эрэн сурвалжлах шинжлэх ухааны гайхамшиг ч гэж үзэх хүн цөөнгүй байгаа юм. Түүнээс гадна судлаачид уг эмэгтэйг тэмбүү өвчнөөр нас барсан гэж тодорхойлжээ.