ХБНГУ ТУРКИЙН ХУЯГТ ТАНКУУДЫГ САЙЖРУУЛАХ ШИЙДВЭРИЙГ ЦУЦАЛСАН БАЙНА

ХБНГУ- Туркийн хуягт танкуудыг хуяглах шийдвэрээ цуцаллаа. Учир нь тус улс эдгээр танкуудыг Сирийн хойд хэсэгт Курдийн зэвсэгт бүлгийн эсрэг ашиглаж байгаа учраас, Берлиний засгийн газар сэтгэл тайван бус байгаа гэж "Шпийгел" сонин цахим хуудсаараа дамжуулан мэдээллээ. Герман улс 1990-ээд оны үед "Леопард-2" загварын хуягт танкийг Турк улсад хүлээлгэн өгсөн юм. Харин Анкарагийн хүсэлтээр эдгээр танкуудыг шинэчлэн сайжруулах ажлыг түр хугацаанд зогсоохоор болоод байна. Эвслийн засгийн газар шинээр байгуулагдсаны дараа энэхүү асуудлыг дахин авч хэлэлцсэн нь дээр гэдэг дээр Холбооны улсын канцлер Ангела Меркел, гадаад хэргийн сайд Зигмар Габриел нар санал нэгдсэн байна. Мөргөлдөөнтэй байгаа болон мөргөлдөөн гарч болзошгүй эрсдлийн бүсэд зэвсэг нийлүүлэх ёсгүй учраас нийлүүлэлт хийхгүй гэж "Эс Пэ Дэ" намаас сонгогдсон сайд Габриел хэлсэн юм. Тэгвэл Турк улсын гадаад хэргийн сайд Давутоглу дээрх шийдвэртэй холбоотойгоор "Өөрийн холбоотон Герман улсаас үнэнч байдал болоод дэмжлэгийг хүсч байгаа" гэж мэдэгдсэн байна.