ЕХ-НЫ ДОТООД ХЭРГИЙН САЙД НАР ХУРАЛДАЖ БАЙНА

ХБНГУ дүрвэгсдийг адил хэмжээгээр тараан байрлуулах асуудлыг дахин хэлэлцэхэд бэлэн гэдгээ Софияд болж буй ЕХ-ны дотоод хэргийн сайд нарын уулзалтын эеэр мэдэгдлээ. Холбооны улсын дотоод хэргийн сайд Томас Демизье "Бид энэ асуудлыг хамтдаа шийдвэрлэхийг хүсч байгаа. Бид бүгд тэгш эрхтэй болохоор улс орон бүрт харилцан адил нөхцөл, шаардлага тавигдах ёстой. Шударгаар тараан байрлуулах ёстой гэдгийг мартаж болохгүй" гэж хэлсэн байна. Өнөөг хүртэл Герман улс дүрвэгсдийг тараан байрлуулах ажлыг дэмжиж байсан бол Польш, Унгар, Бүгд Найрамдах Чех улсууд хүлээн зөвшөөрөхгүй хэвээр байна. ЕХ-ны дүрвэгсдийн асуудал хариуцсан комиссар Димитрис Авромопулос дээрх улс орнуудыг дахин шүүмжилсэн байна. Тэрээр "Дүрвэгсдийг хүлээн авахаас татгалзаж байгаа явдлыг хүлээн зөвшөөрөх аргагүй. ЕХ-ны гишүүн орон бүр өөрийн үүргийг гүйцэтгэж хариуцлага болоод үүрэх ёстой ачааг хуваалцах ёстой" гэж хэлсэн юм. ЕХ-ны орнууд дүрвэгсдийн бодлогын талаар хэлэлцэж байгаа бөгөөд квотоор зохицуулах асуудлыг эцэслэж магадгүй юм.