ПАРИС ХОТ ХУЛГАНААР ДҮҮРЧЭЭ

Олон хоног үргэлжилсэн аадар борооны улмаас Парис хот үерт автаад байгаа билээ. Сена мөрний усны түвшин гэхэд л, 5 метр нэмэгдчихээд байгаа бөгөөд ирэх амралтын өдрүүдээр 6 метр хүрэх магадлалтай тухай цаг уурчид мэдээлж байна.Үерээс зугатсан хулганууд хотоор дүүрсэн нь бас нэгэн асуудал үүсгээд буй бололтой. Хогийн савнууд дотор бужигналдан үсрэх хулгануудаас болоод хог ачигчид ажилдаа гарахаас татгалзаад байгаа гэнэ.Сена мөрнөөр завь, хөлгүүд явахгүй байгаа бөгөөд метро, цахилгаан галт тэрэгний хэд хэдэн өртөө хаагдаад байгаа гэнэ. Тус хот дахь музейнүүд түүхийн үнэт зүйлсээ хамгаалан авч үлдэхээр бэлтгэж байна. Луврын музей зарим танхимуудаа хаасан, Орсэ, Оранжери музейнүүд мөн ийм арга хэмжээ авахаар болж байгаа аж.Д.Мөрөн

Эх сурвалж: Breakingnews.mn