ТУРКИЙН ДАЙРАЛТААС БОЛЖ НАЙМАН ХҮН ШАРХАДСАН БАЙНА

Сирийн хойд хэсэгт байдаг "Уай Жи Пи"-бүлгийн эсрэг Турк улс 5 дахь өдрөө дайралт явуулж байгаатай холбоотойгоор тус улсын хилийн ойролцоох хотуудад бөмбөгдөлт явагдаж 8 хүн шархадсан байна. Олон улсын бие даасан ажиглагчид Туркийн бөмбөгдөлтийн үеэр Сири улсад багаар бодоход 28 энгийн иргэн алагдсан гэж мэдээллээ. Туркийн ерөнхийлөгч Режеп Таип Эрдуан "Чидуны үндэс ажиллагаа амжилттай үргэлжилж байна. Бид Африн орчмыг террористуудаас чөлөөлөх ажиллагааг эхлүүлсэн" гэж хэлээд террористуудыг "үндсээр нь устгах болно" гэж амалсан байна. Сири улс дахь хүний эрхийн хорооны ажиглагчид энэ бичлэгийг олны хүртээл болгосон байна. энэ нь туркийн дайралтаас болж Жандарист учирсан хохирлыг харуулж байгаа юм. "би хэдхэн минутын өмнө хүүхдүүддээ талх өгсөн. гэтэл нүд ирмэх зуур байшин маань үгүй болчихлоо" гэж нэгэн иргэн ярьж байна. Турк улсын хориотой ПКК намын салбар, Уай Пи Жи зэвсэгт бүлэглэл нь Турк улс, Сирийн чөлөөт армийн босогчдын эсрэг тэмцэж байгаа юм.