З.БАЯНСЭЛЭНГЭ ХАМААТАН САДАНГИЙНХАА ХАМТ АТГ-Т ШАЛГАГДАЖ БАЙНА

УИХ-ын гишүүн асан З.Баянсэлэнгийг Барилга,хот байгуулалтын сайдаар ажиллах хугацаандаа албан тушаалаа ашиглаж түрээсийн орон сууц төслийг хэрэгжүүлэх явцад улсын төсөвт 900 гаруй сая төгрөгийн хохирол учруулсан байж болзошгүй хэмээн буруутган АТГ шалгаж байна. З.Баянсэлэнгэ сайдын албан тушаал хашиж байхдаа Түрээсийн орон сууцанд хамаатан садан, эгч, дүүгээ оруулсан аж. Мөн түрээсийн орон сууцанд амьдарч байгаа бүх хүнээс АТГ-ынхан мэдүүлэг авч байгаа тухай мэдээлэл цахимаар цацагдсаныг АТГ-аас худал мэдээлэл гэж үгүйсгэлээ. АТГ-аас хийж байгаа мөрдөн шалгах ажлын хэсгийн ажлыг саармагжуулах гэсэн оролдлого хэмээн тайлбарлалаа. З.Баянсэлэнгийн эгч, дүү, хамаатангаас мэдүүлэг авсан байна.