КАПСУЛТАЙ УГААЛГЫН БОДИСЫГ АМААРАА ХАГАЛАХГҮЙ БАЙХЫГ АНХААРУУЛЛАА

Хэрэглээний бараа үйлдвэрлэлээрээ дэлхийд тэргүүлэгч "Procter & Gamble" концерн интернэтэд тавигдсан капсултай угаалгын бодисыг хазаж хагалж байгаа бичлэгүүдийг цахим сүлжээнүүдтэй хамтран устгаж байгаа гэж санхүүгийн албаны дарга Жон Моллер мэдээллээ. Өсвөр үеийнхэн "Tide" Брэндийн капсултай угаалгын шингэнийг хазаж хагалахыг эр зоригийн шалгуур хэмээн үзэж сүүлийн үед бичлэгээ цахим сүлжээнүүдэд тавих болсон юм. Шинэ он гарснаас хойш АНУ-ын хортой тэмцэх албадыг удирддаг төв өсвөр насныхан угаалгын бодисыг "санаатайгаар" хагалж, зарим тохиолдолд залгиж байгаа нь эрүүл мэндэд нь ямар аюултай болохыг тайлбарлаж байгаа ч ийм тохиолдлууд гарсаар байна гэж мэдээлсэн байна. Угаалгын бодисыг залгиснаар гэнэтийн цочролд орох, уушигны хаван, амьсгаа боогдох,ухаан алдахаас гадна амь насанд нь аюултай байдаг байна. "Procter & Gamble" концерны зүгээс уг угаалгын бодисон дээр анхааруулга болоод аюулгүй байдлыг хангах ёстой талаар тодорхой бичсэн байдаг гэж мэдэгдсэн байна.