“APPLE” КОНЦЕРНИЙ ШИНЭ ЧАНГА ЯРИГЧ УДАХГҮЙ ХУДАЛДААНД ГАРНА

"Apple" утасгүй интернэтээр холбогддог "HomePod" /ХөүмПод/- бүтээгдэхүүнээ 2-р сарын 9-ний өдрөөс худалдаанд гаргах гэж байна. Эхлээд энэхүү чанга яригчийг АНУ, Их Британи, Австрали зэрэг орнуудад худалдаалахаар болсон бол ХБНГУ, Франц улсуудад хавраас худалдаалахаар болжээ. "Apple" шинэ бүтээгдэхүүнээ өнгөрсөн оны 12-р сард худалдаанд гаргахаар төлөвлөж байсан боловч ямар нэгэн тайлбар хийлгүйгээр хугацааг нь хойшлуулаад байсан юм. "HomePod" /ХөүмПод/ нь хөгжмийн дуугарлт болон өрөөнд дууг тараах байдлаараа бусад өрсөлдөгчдөө ардаа орхихоос гадна Siri хэмээх дуу хоолойн хайлтын системтэй юм байна. Уг төхөөрөмжийг АНУ-аас 349ам.доллар буюу 285еврогоор худалдан авах боломжтой юм.