ДУУЧИН ШАКИРА ТАТВАРААС ЗУГТСАН ХЭРГЭЭР ШАЛГАГДАЖ МАГАДГҮЙ

Колумбийн дуучин Шакирааг их хэмжээний хөрөнгөө татвараас нуун дарагдуулсан гэсэн гомдлыг татварын албаныхан прокурорын газарт гаргасан тухай "La Vanguardia" өдөр тутмын сонин мэдээллээ. Тэдний мэдээлж байгаагаар 2011-2014онд Испани улсын татвар төлөгч байсан учраас дэлхийн олон орноос олсон орлогынхоо татварыг тус улсад төлөх ёстой байжээ. Одоо прокурорын газар хэрэг үүсгэн энэ хэргийг шалгах эсэх шийдвэрийг гаргаагүй байгаагаас гадна сонины тавьсан асуултад хариулт өгөхөөс татгалзсан байна. Алдартдуучны тал Шакирааг татвараас зугтаагүй, энэ хэрэг үзэл бодлын ялгаатай байдлаас болсон гэж тайлбарлаж байгаагаас гадна дээр дурьдагдсан хугацаанд дуучныг гадаад улс орнуудаар тоглолт хийж байсан, 183 хоног хүрэхгүй хугацаанд Испани улсад байсан гэж мэдэгдсэн байна. Испани улсын хуулинд зааснаар тус улсад 183 хоног болон түүнээс дээш хугацаагаар амьдарсан хүн татварын газарт бүртгүүлж татвар төлөх ёстой байдаг ажээ.