ХАНХҮҮ УИЛЛИАМЫН ГУРАВ ДАХЬ ХҮҮХЭД ГЭРТЭЭ ТӨРНӨ

Их Британий ханхүү Уиллиам, түүний гэргий Кейт нар дөрөвдүгээр сард гурав дахь хүүхдээ хүлээн авах юм. Энэ удаад 36 настай гүнгийн авхай Кейт Норфолькт байдаг өөрийн гэр болох Анмер Холлд хүүхдээ төрүүлэхийг хүсч байгаа талаар хэвлэл мэдээллийн байгууллагууд мэдээллээ. "Sunday express" сониндтүүний ойр дотны нэгэн хүн "Кетрин хүүхдээ гэртээ төрүүлэхийг хүсч байгаагаа ярьж байсан. Уиллиамтай энэ талаар ярилцахад тэр энэ санааг нь дэмжсэн гэсэн. Тэд хүүхдээ гэртээ төрүүлэх нь ялангуяа ханхүү Жорж, гүнж Шарлот нарын хувьд сайхан байх болно гэж бодож байгаа" гэж хэлсэн байна. Ийм шийдвэр гарга болсон бас нэг шалтгаан нь олны нүднээс нуугдах гэсэн арга юм. Ханхүү Уиллиамын эхний хоёр хүүхдийг төрөх үеэр төрөх эмнэлгийн гадна олон тооны сэтгүүлч, зурагчид хэд хоногоор хүлээж байсан нь хосуудын санааг ихээр зовоож байжээ. Тиймээс тэд гэртээ төрөх нь олон хүнд төвөг удахгүй байх болно гэж үзэж байна.