“ҮЛЭМЖ” ГОО САЙХНЫ ЭМНЭЛЭГТ ЭМЧЛЭХ ЭРХГҮЙ ЯПОН ЭМЧ МЭС ЗАСАЛ ХИЙСЭН ЭСЭХИЙГ ШАЛГАЖ БАЙНА

Арьс, гоо заслын чиглэлээр үзлэг, зөвлөгөө үйлчилгээ, мэс ажилбар хийдэг "Үлэмж" гоо сайхны эмнэлэгт Нийслэлийн мэргэжлийн хяналтын газраас шалгалт хийж байна. Тодруулбал, тус эмнэлэгт гоо сайхны мэс засал хийдэг Япон улсын иргэн Масаки Козуми нь эмчлэх эрхийн зөвшөөрөлгүйгээр эмчилгээний гоо сайхны тусламж үйлчилгээ үзүүлсэн, улсын бүртгэлд бүртгэгдээгүй эм, эмнэлгийн хэрэгсэл импортолж, худалдаж, хэрэглэсэн байдалд урьдчилсан сэргийлэх хяналт шалгалт хийж байгааг Нийслэлийн мэргэжлийн хяналтын газраас мэдээлж байна.

Шангрила моллд байрлах тус эмнэлэгт Масаки Козуми нь гурван сарын давтамжтайгаар ирж, мэс засал хийдэг бөгөөд уг япон эмч ирэн очин мэс ажилбар хийдэг аж.