МӨС ЦӨМӨРСНӨӨС ИРГЭД АМИА АЛДЖЭЭ

Мөс цөмөрч хүн нас барсан хэд хэдэн тохиолдол гарсан байна. Мөн малчид малаа дагаад шуурганд уруудчихаад байна. Холбогдох байгууллагаас сэрэмжлүүлэг анхааруулга явуулж байгаа ч иргэд хариуцлагагүй байна.

Хэдийгээр нийт нутгаар ихэнх гол, нууран дээр битүү мөсөн бүрхүүл тогтож, мөс улам зузаарч байгаа ч нуурын толио болон голын нийт уртын дагууд мөсний зузаан харилцан адилгүй байна. Голын усны урсацаас шалтгаалаад, зарим нэг газарт харзтай гол хүртэл хөлдөөгүй байна.Мөсний даац хүн, мал, машин тэрэг явахад аюулгүй хэмжээнд хүрч бэхжээгүй байгаа учир иргэд цаг хожих, зам товчлох зэргээр мөсөн дээгүүр авто тээврээр зорчихгүй байх хэрэгтэй гэдгийг онцгой байдлын газраас анхааарулж байна.

2018 он гарснаар Ховд, Хөвсгөл, Увс, Сэлэнгэ аймгуудад мөс цөмөрч, хүн нас барсан харамсалтай тохиолдлууд бүртгэгдсэн байна. Ховд аймгийн Мөст сум, Булган суманд хоёр удаагийн тохиолдлоор мөс цөмөрч гурван хүн амь насаа алдсан тохиолдол гарсан байна. Мөн нэгдүгээр сарын 21-нд Хөвсгөл нууранд 11 хүнтэй фургон машин осолдсон хэрэг гарлаа. Хэрэг гардаг өдөр цасан шуурга ихтэй байсан. Мөн үзэгдэх орчин хязгаарлагдмал харанхуй болсон үед хөдөлгөөнд оролцож байгаад мөсөн хил үүссэн газар осолдсон байгаа юм. Золоор мөс цөмрөлгүй 11 хүн бүгд эсэн мэнд гарч чаджээ.