ШАТАХУУН ИМПОРТЛОГЧИД ХЭРЭГЛЭГЧ БУЮУ ИРГЭДИЙГ ТӨР ЗАСАГТАЙ НЬ ХАМТ ШАНТААЖИЛЖ БАЙНА

МҮЭХ-ноос шатахууны үнийн асуудлаар мэдээлэл хийлээ. Тус газрын ерөнхийлөгч Х.Амгаланбаатар хурлын үеэр хэлэхдээ "Шатахууны үнэ тогтворжуулах, тодорхой хяналт тавих үүрэг бүхий хамтарсан зөвлөл 2013 оноос хойш Засгийн газрын тогтоолын дагуу ажиллаж байгаа. Энэ зөвлөлд төрийн байгууллагууд, шатахуун импортлогчдын төлөөлөл, иргэний нийгмийн байгууллагууд, МҮЭХ зэрэг байгууллагууд байдаг.

Засгийн газар ОУВС-тай хэлэлцээрт хийж ямар шийдвэр гаргахыг хүлээж суулгүйгээр Монгол Улсын Ерөнхий сайдад хандаж шаардлага хүргүүлэхээр шийдсэн. Нэр бүхий шатахуун импортлогч компаниуд үнийн зөвлөлөөс гаргасан зөвлөмжөө билүүлж ажиллахгүй байгаа учраас тэдэнд Өрсөлдөөний тухай хуулийн 7.1.1, 7.1.2, Хэрэглэгчийн эрхийг хамгаалах тухай хуулийн дагуу хариуцлага тооцох ёстой.

Шатахуун импортлогчид хэрэглэгч буюу иргэдийг төр засагтай нь хамт шантаажлах замаар асуудлаа шийдүүлэх гэж байгаа нь холбогдох хууль тогтоомжид нийцэхгүй, маш буруу үйлдэл гэдгийг сануулах цаг болсон гэв.