ФЕЙСБҮҮК ХААГДАХГҮЙГ АЛБАН ЁСООР МЭДЭГДЛЭЭ

Фейсбүүк хаагдана гэдгийг "Weekly World News" сайт анх нийтэлж, Марк Зукерберг сэтгүүлчдэд албан ёсоор мэдэгдэл хийсэн мэтээр зарласан юм. Гэтэл энэ мэдээлэл нь ор үндэсгүй худал зүйл болохыг мэдээллийн технологийн аюулгүй байдлын "Sophos" компани анхааруулав. Тус компанийн ахлах зөвлөх Грахам Клули "Фэйсбүүк хаагдахгүй учир гэрэл зургуудаа нөөцөлж хадгалах шаардлагагүй. Энэ үйл явдал интернэтээс уншсан мэдээлэл бүрдээ итгэж болохгүй гэдгийг бидэнд харууллаа. Гэмт хэрэгтнүүд ашиг орлогоо нэмэгдүүлэхийн тулд интернэтээр хүмүүсийг төөрөгдүүлж, хортой мэдээлэл буюу спам тараах явдал газар авч байна. Хортон програмаас үүдэлтэйгээр хүмүүс хувийн мэдээллээ алдаад зогсохгүй нийгэмд асар их сөрөг нөлөө үзүүлж байна" хэмээн мэдэгджээ.

"Фэйсбүүкээр түгээж буй элдэв аппликейшний хүсэлтийг хүлээн авахгүй, найзууддаа түгээхгүй байж, тэр даруй устгахыг мэргэжилтнүүд сануулж байна. Ингэснээр элдэв худал мэдээлэл, спамаас өөрийгөө хамгаалж чадна гэжээ