ЗОХИОМОЛ ХОМСДОЛОО ЗОГСООГООД ТОХИРСОН ҮНЭЭР НЬ ШАТАХУУНАА ОЛГООЧ...

Шинэ оноос хойш хомсдол үүсгээд байгаа нефть импортлогчид энэ байдлаа үргэлжлүүлсээр байна. Өнгөрсөн өдрүүдэд иргэд шатахуун хайж хэдэн цагаар нь хотыг тойрч байна. Тэгвэл импортлогчдын энэ байдал улам гаарч зарим шатахуун түгээх станцууд бензин өгөхгүй байгаа бол АИ-92 авто бензин нэг литр нь 2050 төгрөг болж нэмэгдээд байна.

Шатахуун импортолж байгаа компаниуд иргэдийг хэрэглээгээр нь боомилж байна. АИ-92 авто бензинийг Петровис, Магнай трейд, тэс петролимум зэрэг компаниуд олгохгүй байгаа бол Сод монголын колонкууд зөвхөн өөрсдийнх нь нэрийн карттай иргэдэд олгож байгаа бөгөөд шинээр захиалах гэсэн иргэдэд карт дууссан гэсэн хариултыг өгч хоосон буцааж байна. Харин М ойл болон Синчи ойлын шатахуун түгээх станцууд 20 мянгаас дээш төгрөгөнд бензин олгохгүй байгаа юм. Тэдний зохиомлоор хомсдол үүсгэж, иргэдийг ийнхүү боомилж байгаа нь олон иргэдийн бухимдлыг төрүүлж байна. Арга ч үгүй биз тэд монголын нефтийн зах зээлийг хэнээс ч хамааралгүй гартаа атгаж байгаа учраас ийнхүү хазааргүй морь шиг аашлах нь зөв.

Болдогсон бол гадны нефьтийн компаниудыг боломжийн нөхцөлөөр оруулаад ирээсэй гэсэн эдийн засагтаа баригдсан, дотоодын шатахуун импортлогчдоор дарамтлуулсан иргэд ярих нь энүүхэнд байна. Арга ч үгүй биз хэрээс хэтэрсэн тэдний зохиомол хомсдол, үнийн дарамт тэдэнд хүндээр тусч байна. Өнгөрсөн өдрүүдэд иргэд шатахуун хайж хэдэн цагаар нь хотыг тойрч байна. Шатахуун өгч байгаа станц байвал гадаа нь доод тал нь 30 минут цаашлаад 3 цаг хүртэл ч зогсож байна. Хомсдол үүсгэхээ болиод тохирсон үнээр нь шатахуунаа эсвэл олгооч...

З.ГАНТУЛГА