Б.Мөнхбаатар: Газар доорх хотыг бий болгосон үед газар дээр нь босох хотыг зөв төлөвлөнө

Admin

2021/08/25

БХБ-ын сайд Б.Мөнхбаатар телевизийн Цаг үе, үзэл бодол" нэвтрүүлэгт оролцох үеэрээ хэлсэн онцлох асуудлуудыг хүргэж байна.

Төв аймгийн Хөшигийн хөндийд баригдах олон улсын нисэх онгоцны шинэ буудлыг даган хөгжих хотын хөгжлийн ерөнхий төлөвлөгөөг боловсруулав.

"Чингис хаан” шинэ нисэх буудлыг түшиглэн бий болох Богд хаан төмөр зам, авто замын /АН-3/ зангилаа бүхий Олон улсын тээвэр, логистикийн нэгдсэн төв бий болно.

Хөшигийн хөндийг дагасан шинэ хотуудыг бий болгоход шаардлагатай инженерийн дэд бүтцийн эх үүсвэрийн судалгаа, шугам сүлжээний эхний ээлжийн оновчтой хувилбаруудыг гаргаж төлөвлөх ажлуудыг гүйцэтгэж байна.

Хөшигийн хөндий дэх шинэ хотуудын нэгдсэн төлөвлөлтийг 22415 га газарт төлөвлөв.

Шинэ хотуудын бүтээн байгуулалтын дөрвөн үе шаттайгаар хөгжүүлнэ.

"Богд хаан” төмөр зам, босоо тэнхлэгийн олон улсын АН3 авто замыг түгшиглэн олон улсын хуурай зам, агаарын, төмөр замын холимог ачаа болон зорчигч тээврийн логистикийн төв, эдийн засгийн чөлөөт бүс, аялал жуулчлал, шинжлэх ухаан, үйлдвэрлэл, мэдээлэл, технологийн парк, “Шинэ Зуунмод”, Төвийн бүсийн тулгуур төв Зуунмод хот, “Майдар хот”-уудыг харилцан уялдаатай хөгжүүлэх, дэд бүтцийг цогцоор төлөвлөн шийдвэрлэж олон улсын жишигт хүрсэн эдийн засгийн хөгжлийн шинэ бүс байгуулах томоохон зорилт, арга хэмжээнүүдийг үе шаттайгаар хэрэгжүүлэхээр тусгалаа.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ