Татварын хуулийн өөрчлөлтүүд ирэх оны нэгдүгээр сарын 1-нээс эхэлнэ

2027 оны нэгдүгээр сарын 1-нээс иргэдийн орлогын албан татвар, үл хөдлөх хөрөнгө борлуулсны татвар болон аж ахуйн нэгж, бизнес эрхлэгчдийн татварын зохицуулалтад өөрчлөлт орох юм. 

Иргэн бүр мэдэж байх ёстой татварын гол 6 өөрчлөлтийг  хуваалцъя

Үүнд: 

Иргэд анхны байраа зарах бол ТАТВАРГҮЙ

Иргэн анх удаа өөрийн өмчилсөн орон сууцаа худалдан борлуулахад үл хөдлөхийн татвараас 100% бүрэн чөлөөлөгдөнө

Бага орлоготой иргэд татваргүй

Хөдөлмөрийн хөлсний доод хэмжээнээс бага орлоготой иргэдийн ХХОАТ-ыг 100% хөнгөлнө. 

 Хувиараа бизнес эрхлэгчид

Жилийн борлуулалтын орлого нь 1.0 тэрбум төгрөгөөс бага бол орлогынхоо ердөө 1-хэн хувиар татвар төлнө.

Бизнес эрхлэгч, ААН-үүдэд хамаарах өөрчлөлтүүд

НӨАТ-ын босго 400 САЯ боллоо

Жилийн орлого 50 сая хүрэнгүүт НӨАТ төлөгч болдог байсныг 400 сая төгрөг болгож өсгөв. Жижиг бизнесүүд НӨАТ-ын дарамтаас гарч байна!

Данс хаахыг халлаа

Татварын өртэй байсан ч дансыг бүрэн хааж, бизнесийг нь гацаадаг байдлыг зогсоож, орж ирсэн мөнгөний 30%-ийг дансанд нь заавал үлдээнэ.

1%-ийн татварын босго нэмэгдлээ

Бичил бизнесүүдийг дэмжих 1%-ийн татвартай байх орлогын хязгаарыг 1.5 тэрбум байсныг 2.5 тэрбум төгрөг болгов. 

Үр дүн: Эдгээр өөрчлөлтийн ачаар иргэд, ААН-үүдийн халаасанд нийт 3.7 их наяд төгрөг татварын хөнгөлөлт болон үлдэхээр болж байна.

Эдгээр зохицуулалтууд 2027 оны 1 дүгээр сарын 1-нээс эхлэн хэрэгжиж эхлэх юм.