Өнөөдөр Б.Хонгорзул, Э.Бэхбаяр нар дагах эсэх нь шийдэгдэнэ

Токио-2020 олимпын наадмын чөлөөт бөхийн төрөлд өнөөдөр манай улсаас эмэгтэй 57 кг-н жинд залуу тамирчин Болдсайханы Хонгорзул, эрэгтэй 57 кг-н жинд гавъяат тамирчин Энхбатын Бэхбаяр нар хүч үзсэн.
Залуу тамирчин Б.Хонгорзул эхний даваандаа Францын М.Риверийг 7-5 харьцаатай ялж дунд шөвөгт олимп, дэлхийн аварга Японы Рисако Кавайтай барилдаж хожигдсон. Манай бөхийг ялсан Рисако Кавай хагас шигшээд шалгарсан бөгөөд үдээс хойш Рисако Кавайгийн хагас шигшээд хийх барилдааны үр дүнгээс хамааран дагах эсэх нь шийдэгдэнэ.
Э.Бэхбаяр гавъяатын хувьд мөн адил нөхцөл байдалтай байгаа бөгөөд эхний өрсөлдөгчөө ялсан ч дараагийн даваандаа Ираны бөхөд ялагдсан. Хэрвээ Ираны бөх үдээс хойш өрсөлдөгчөө буулган авч финалд шалгарвал манай бөх дагах барилдаан хийнэ.