Путин Хятад орох шинэ төмөр зам барихад 10 тэрбум доллар зарцуулахыг зөвшөөрлөө

ОХУ-ын Ерөнхийлөгч Владимир Путин нь Якут-Сахагийннүүрсийг БНХАУ руу гаргах шинэ төмөр зам барихыг зөвшөөрчээ. Ингэснээр РЖД нь 10 тэрбум доллароор Якут нутгаас Хятад хүрэх төмөр барихаар болов. Дорнод Сибирь, Якут орчмын нүүрсний орд газраас ОХУ нь Хятад руу 56 сая тонн нүүрс экспортлох боломжтой байгаа ч дэд бүтэц байхгүйн улмаас асар их хэмжээний нүүрс ашиглагдахгүй байна гэсэн тооцоог РЖД гаргасны үндсэн дээр ийм зөвшөөрөл өгсөн юм байна. 

 Өнгөрсөн жилийн дүнгээр ОХУ-ын нүүрсний олборлолт 9 хувиар, экспорт нь 3 хувиар тус тус буурчээ. Ингэснээр манай хойд хөрш гадаад руу 199 сая тонн нүүрс гаргаснаас гуравны хоёрыг нь Ази руу экспортолсон юм байна. Төмөр зам тавьснаар экспортын хэмжээг даруй 56 сая тонноор нэмэхээр төлөвлөж байгаа аж. Төмөр замыг Байгал-Амарын төмөр замын Тында-Комсомольск-Ваниногэсэн чиглэлд өргөсгөн уртасгана. Энэ ажлын хүрээнд бараг мянган км орчим төмөр зам тавьж, Амар мөрний дээгүүр шинэ гүүр татаж, Хабаровын хязгаарт Кузнецовын тоннель ухах аж.