Өнгөрсөн шөнө 241 хүнийг эрүүлжүүлж, гэр бүлийн хүчирхийллийн 131 дуудлага бүртгэгдлээ

Өнгөрсөн 24 цагийн хугацаанд Цагдаагийн ерөнхий газрын 102 дугаарын утсанд 1518 гомдол, мэдээлэл ирсэн байна. Үүнээс 1280 зөрчил, гэмт хэргийн шинжтэй 62, хулгайлах 13, гэр бүлийн хүчирхийллийн шинжтэй 131 дуудлага, мэдээлэл бүртгэгджээ.

Мөн согтуугаар тээврийн хэрэгсэл жолоодсон 60, архидан согтуурахтай тэмцэх хууль зөрчсөн 89, олон нийтийн газар зүй бусаар биеэ авч явах, танхайрах 106, эрүүлжүүлсэн 241, хүний биед халдах 53, оршин суугчдын амгалан тайван байдал алдагдуулах 70 дуудлага мэдээлэл бүртгэгджээ.