Хятадыг коронавирусийн шинжилгээ авахдаа шулуун гэдэснээс арчдас авдгаа зогсоохыг шаарджээ

Японы Засгийн газар Хятадын удирдлагуудад хандан тус улсад ирж байгаа япон иргэдээс коронавирусийн шинжилгээ авахдаа шулуун гэдэсний арчдас авч байгааг зогсоохыг хүссэн байна. Үүний өмнө Хятад дах АНУ-ын Эчлингийн ажилтнуудаас корона вирусийн шинжилгээ авахдаа мөн л шулуун гэдэснээс нь арчдас авч байна гэж Америкийн Засгийн газар шүүмжилж байсан.

 COVID-19 илрүүлэх олон арга байсаар атал ийм аргаар зөвхөн япон болон америк иргэдээс шинжилгээ авч байгаа аж. “South China Morning Post” сонины мэдээлснээр Японы Сайд нарын танхимын Ерөнхий нарийн бичгийн дарга Кацунобу Като нь Бээжин дэх Элчин сайдын газраараа дамжуулан япон иргэдээс ийм аргаар шинжилгээ авахгүй байх хүсэлтээ явуулсан гэж мэдэгдсэн байна. Шулуун гэдэснээс арчдас авах нь иргэдийн эрхийг зөрчиж, доромжилсон үйлдэж гэж харагдахаар байгаа тул цаашид корона вирус илрүүлэх ийм аргыг ашиглахгүй байхыг шаарджээ.

 АНУ ч арваад хоногийн өмнө яг ийм гомдол мэдүүлж Хятадын эрх баригчдыг шүүмжилж байсан юм. Эчлин сайдын яамны ажилтнууд нь Хятадын эрх баригчид америк дипломатчидаас корона вирусийн халдваргүйг баталгаажуулах давтан шинжилгээ авах зайлшгүй шаардлагатай гээд шинжилгээ авахдаа заавал шулуун гэдэснээс арчдас авч байгаа тухай гомдол мэдүүлсний дараа ийм асуудал үүссэн. Гэвч тухайн үед Хятадын гадаад Гадаад харилцааны яам нь америк дипломатчидаас заавал хүнд хэцүү аргаар шинжилгээ авах гээгүй гэж үгүйсгэж байсан юм.