Ховд аймагт ирсэн хоёр тохиолдол болон хамт ирсэн 41 хүнийг онгоцоор Улаанбаатар руу буцаана

Ховд  аймгийн цөөнгүй иргэд Улаанбаатар хотод түр саатаад байсан. Тэдгээр иргэдийн хүсэлтийн дагуу аймгийн Онцгой комиссоос шийдвэр гаргаж өчигдөр /2021.01.26/-ны өдөр эхний ээлжийн иргэдээ хүлээн авсан.

Нийтийн тээврийн таван автобусаар ирсэн иргэдээс Дарви сумын хяналтын пост дээр түргэвчилсэн оношлуураар шинжилгээ авч нэвтрүүлсэн бөгөөд нэг гэрт амьдарч байсан эгч дүү гурвын шинжилгээ түргэвчилсэн оношлуураар эерэг гарч сорьцыг БОЭТ-ийн лабораторит авчран PCR-ийн шинжилгээ хийхэд мөн эерэг гарчээ. 

Улмаар Эрүүл мэндийн яам, ХӨСҮТ-өөс өгсөн зөвлөмжийн дагуу дахин баталгаажуулалт хийснээр хоёр нь эерэг, нэг нь сөрөг гарч Ховд аймагт коронавирусний халдварын зөөвөрлөгдсөн 2 тохиолдол бүртгэгдлээ. Уг иргэд 01 дүгээр сарын 23-нд Улаанбаатар хотод шинжилгээ өгч 25-нд автобусанд суусан байна.