А.Үйлстөгөлдөрийн өрөөнд камер байрлуулсан Б мэдүүлэхдээ: Камераа өрөөнд нь мартсан байсан гэжээ

 Өнгөрсөн долоо хоногийн баасан гарагт Монгол Улсын Ерөнхий сайд У.Хүрэлсүхийн зөвлөх А.Үйлстөгөлдөрийн өрөөнөөс дуу, дүрс бичдэг жижиг хэмжээтэй камер олдсон. Энэ хэрэгт Засгийн газрын  холбооны ажилтан  Б-г холбогдуулан Тагнуулын ерөнхий газраас шалгаж эхэлсэн юм. 

ЗГ-ын мэдээлэл холбооны ажилтан Б нь мэдүүлэг өгөхдөө:

 ЗГХЭГ-ын тэргүүн дэд даргын өрөөнөөс сүлжээ татах гээд А.Үйлстөгөлдөр зөвлөхийн өрөөнд байсан router-д тохиргоо хийсэн. Тэр үед өөрийн камерийг сүлжээний шилэн хайрцаг дотор нь орхиж мартсан байсан гэж хэлжээ.   Тэрээр ойролцоогоор 1 жил орчмын өмнө мартаж орхисон, тус камер нь ажиллагаагүй гэж мэдүүлсэн боловч анх олж илрүүлсэн интернетийн ажилчид камерыг залгаатай ажиллаж байсныг нь мэдүүлсэн байна.   ЕС-ын зөвлөх А.Үйлстөгөлдөрийн өрөөнд ойролцоох өрөөнүүдийн интернетийн сүлжээ бүхий модон хайрцаг байдаг ба жил орчмын өмнөөс уг хайрцгийг шилэн нүүртэй болгон сольж байжээ. Одоогоор ЗГ-ын холбооны ажилтан Б-г хуулийн байгууллагаас байцааж байгаа юм. Өнөөдрөөс Ерөнхий сайдын ажлын албаны 10 гаруй өрөөнд шалгалт хийхээр боллоо.