Хан-Уул дүүргийн Ерөнхий прокурор О.Алтангэрэл нарын хүмүүсийг ноцтой асуудлаар АТГ-т шалгуулахаар болжээ

Нийслэлийн Хан-Уул дүүргийн прокурорын газрын ерөнхий прокурор, хууль цаазын шадар зөвлөх О.Алтангэрэл, тус дүүргийн прокурор нь н.Энхболд нартай холбоотой асуудлаар нэгэн иргэн АТГ-т хандахаар болжээ. Учир нь тус дүүргийн зарим прокурорууд гэмт хэрэг мөн байхад биш хэмээн үзэж бүлэг этгээд, зарим томоохон компани,  группид үйлчилж иргэдийн эрхийг зөрчдөг байх магадлалтай гэж иргэн хардаж байгаа юм байна.

 Гэмт этгээдүүдийн үйлдсэн хэрэгт  энгийн иргэн хохироод, эрхээ хамгаалуулахаар  цагдаагийн байгууллагад гомдол гаргадаг. Харин цагдаагийн байгууллага нь  гэмт хэрэг мөн гэж мөрдөн байцаалтын явцад тогтоогоод Прокурорт шилжүүлэхэд хэн нэгний нөлөөгөөр тухай асуудлыг хэрэг биш гэж хаадаг увайгүй үйлдлүүдийг тэд гаргадаг байж болзошгүй юм. Үүнтэй холбоотойгоор маш ноцтой баримтуудыг АТГ-т нэгэн иргэний зүгээс өгч шалгуулахаар болжээ.  Прокуроруудын энэ балгаар гэмт хэрэгтнүүд надад хууль үйлчилдэггүй гэж бусдыг давтан хохироодог байдал газар авчээ. Бид АТГ-т гаргасан гомдлыг үргэлжүүлж мэдээлнэ. Мөн тус дүүргийн прокурортой холбоотой хууль бус үйлдлүүдийн талаарх мэдээллийг зариг.мн цахим хуудсаар ирүүлж болно.