У.Хүрэлсүхийн зөвлөх А.Үйлстөгөлдөрийн өрөөнд нууц камер суурилуулсан байжээ, тэрбээр ТЕГ-т ханджээ

Монгол Улсын Ерөнхий сайд У.Хүрэлсүхийн зөвлөх А.Үйлстөгөлдөр нь Төрийн ордны  зүүн жигүүрийн хоёрдугаар давхар буюу Ерөнхий сайдын өрөөтэй ойролцоо суудаг. Гэтэл өнөөдөр ажлынхаа өрөөнд байдаг буйданг чиглүүлсэн   нууц камер байхыг олж мэджээ.  Энэ дагуу зөвлөх А.Үйлстөгөлдөр нь Тагнуулын ерөнхий газарт өргөдөл өгсөн байна. Яг одоо түүнээс хохирогчийн мэдүүлэг авч байгааа бөгөөд түүний өрөөнд Тагнуулын ерөнхий газар, Цагдаагийн ерөнхий газар, Төрийн тусгай хамгаалалтын газраас байцаагч нар ирж ажлын өрөөнд нь үзлэг хийж байгаа юм. Тухайн камер нь дүрс бичдэг бөгөөд дуу бичдэг эсэхийг одоо шалгаж байгаа аж. Засгийн газрын Хэрэг эрхлэх газрын IT хариуцсан ажилтан   Б нь  суурьлуулсан гээд хэргээ хүлээсэн байдалтай байгаа аж.  Уг камер нь өндөр нягтралтай,  гарын алганы тал хэмжээтэй, ямар нэгэн сервертэй холбоотой төхөөрөмж байжээ. Дөнгөж сая салгаад эд мөрийн баримтаар хурааж авсан байна.