Цагааннуур, Увс Боршоо боомтуудыг 21 хоног хаасан, боомтуудыг гарагийн зохицуулалттай нээнэ

УОК-ын хуралдаанаар хэлэлцэж, шийдвэрлэсэн асуудлын талаар шадар сайд Я.Содбаатар болон холбогдох албаны хүмүүс мэдээлэл өглөө.

Шадар сайд Я.Содбаатар “Баян-Өлгийн аймгийн Цагааннуур, Увс Боршоо боомтуудыг 21 хоног хаасан. Энэ боомтуудыг гарагийн зохицуулалттай нээх чиглэл өглөө.

Үйлчилгээний байгууллага, нийтийн тээврийн хэрэгсэл, боловсролын байгууллага, хүн олноороо цугларч байгаа газруудад маскыг заавал зүүх чиглэлээр хяналт тавьж ажиллахыг аймаг, нийслэлийн удирдлагуудад чиглэлээр үүрэг өглөө.

Хөл хорио, хязгаарлалт хийх чиглэлээр ямар нэгэн шийдвэр гаргаагүй. Дотооддоо коронавирусын халдвар тархаагүй учраас яг өнөөдрийн байдлаар УОК-оос ямар нэгэн хориглох, хязгаарлалт хийсэн шийдвэр гараагүй.

Халдвар авсан сувилагч энгийн иргэдтэй харьцаагүй” гэв.