Франц коронавирустай өвчтөнүүдээ Герман руу илгээхээр шийджээ

Франц улс коронавирустай өвчтөнүүдээ Герман руу эмчилгээнд илгээхээр шийджээ. Энэ тухай La Provence мэдээллээ. Францын улсын эмнэлгүүдийн холбооны тэргүүн Фредерик Валету “Эмнэлгийн ачаалал нэмэгдэж, ор хүрэлцэхгүй байна. Овернь-Рона-Альп, О-де-Франс бүс хүнд байдалд байгаа юм байна. “Өвчтөнүүдийг өөр бүс рүү эсвэл өөр орон руу шилжүүлбэл ачаалал буурах ба зарим тохиолдолд шаардлагатай байна. Ойрын өдрүүдэд хэсэг өвчтөнийг шилжүүлнэ” гэжээ.

Бельги улс эмнэлэг нь ачааллаа дийлэхээ болин өнгөрсөн сарын 30-нд коронавирустай зарим өвчтөнөө Герман руу шилжүүлсэн юм. Мөн Бельги улс хатуу хорио цээрийн дэглэм тогтоож дэлгүүр үйлчилгээний газруудыг хаасан юм. Хамгийн сүүлийн үеийн мэдээгээр Францад 1.502.763 хүн халдвар авсаны 36.330 нь сүүлийн нэг хоногт байна. Цар тахал эхэлснээс хойш 38289 хүн нас баржээ. Өвчлөлөөрөө Франц улс дэлхийд тав, нас баралтаараа долоод бичигдэж байна.  

Эх сурвалж: polit.mn