ХҮЧИНДҮҮЛСЭН ЭМЭГТЭЙН ХЭРЭГТ ОЮУТОЛГОЙ ХХК, “БАМБАЙ СЭКЮРИТИ” ХХК-ИУДЫГ ХАРИУЦАГЧААР ТАТЖЭЭ

Оюу толгой ххк болон "бамбай сэкюрити" ххк-ийг нарыг оюутолгойд ажлын байран дээрээ хүчиндүүлсэн охины хэрэгт холбогдуулан хариуцагчаар татсан байна. Хэргийг сөхвөл Оюутолгой ХХК, түүний гэрээт туслан гүйцэтгэгч компани болох Саппорт Сервисес Монголия ХХК-д тогоочоор ажиллаж байсан эмэгтэйг 2018 оны 09 сарын 04-нд гэмт этгээд зэрлэг балмадаар зодож, цохиж, хүчиндсэн хэрэг гарсан. Тухайн үед тус эмэгтэй 09:00 цагийн орчим ажлаа тараад хуруугаа уншуулдаг хэсэгт гэмт этгээдийн халдлагад өртөн балмадаар зодуулан, ёс бусаар хүчиндсэн хэрэг гарсан байдаг. "Оюу толгой" ХХК-ийн хамгаалалтын албыг "бамбай сэкюрити" ххк хариуцдаг байна. Энэ үед тухайн хэсгийн хяналтын камер нь хаана хэнийг хамгаалж, юуг баримтжуулдаг юм бэ гэсэн асуудал гарч ирч байсан юм. Оюутолгой ХХК, түүний гэрээт туслан гүйцэтгэгч, Таванбогд группийн 51 хувийн эзэмшил бүхий Саппорт Сервисес Монголия ХХК, мөн гэрээтэй ажилладаг хамгаалалт хариуцсан "Бамбай " хамгаалалтын алба гээд хэд хэдэн компанийн нэр хариуцагчаар байх ёстой атал аль нь ч хариуцагчаар татагдалгүй өдий хүрсэн. Тэгвэл Оюутолгой ХХК, түүний туслан гүйцэтгэгч Бамбай ХХК-иудыг мөрдөгчийн тогтоолоор иргэний хариуцагчаар татжээ. Ингэхдээ гэмт хэргийн улмаас учирсан эд хөрөнгийн болон, эд хөрөнгийн бус хохирлыг хууль ёсоор хариуцвал зохих хүн, хуулийн этгээдийг иргэний хариуцагчаар татан оролцуулж болох тухай хуулийн заалтыг үндэслэл болгосон байна.

З.Гантулга