БӨХИЙН ӨРГӨӨНД ТОГЛОЛТ ХИЙХ БОЛОМЖГҮЙ БОЛСОН ДУУЧИД МЭДЭЭЛЭЛ ХИЙНЭ

МУСТА П.Идэржавхлан дөрөвдүгээр сарын 20-нд буюу гурав хоногийн дараа Монгол бөхийн өргөөнд "Энэ насны хайр" хэмээх гурав дахь бие даасан тоглолтоо хийхээр товоо зарласан. Улмаар тоглолтын бүх бэлтгэл ажлуудаа хангаж, тасалбараа худалдаанд гаргаж, хэдийнээ 2000 гаруй тасалбар борлуулаад байгаа аж. Гэтэл Монгол бөхийн өргөө буюу Монголын үндэсний бөхийн холбооноос заалаа гаргаж өгөх боломжгүй болсон талаар мэдэгдсэн байна.

Тодруулбал Монгол бөхийн өргөөний өмчлөл болон Монголын үндэсний бөхийн холбооны удирдлага, зохион байгуулалтын маргаантай асуудлаас болжээ. Ингээд энэ дөрөвдүгээр сард Монгол бөхийн өргөөнд зохион байгуулахаар зарлаад байсан бүх тоглолтуудыг цуцалсан байна. Иймд дуучин П.Идэржавхлан болон бусад тоглолт, арга хэмжээгээ хийхээр товлосон байсан уран бүтээлчид маргааш буюу дөрөвдүгээр сарын 18-ны 14:00 цагаас "Монгол ньюс" мэдээллийн төвд хэвлэлийн хурал хийхээр болжээ.