ДОПИНГ ХЭРЭГЛЭСЭН БӨХЧҮҮДИЙН НЭРСИЙГ МАРГААШ ЗАРЛАНА

БСШУСЯ-ны дэргэд Спортыг дэмжих сангийн журмаар БТСГ, Монголын допингийн эсрэг үндэсний төв хамтран 2017 оны есдүгээр сараас эхлэн "Допинггүй монгол бөхийн төлөө'' зорилтот ажлыг хэрэгжүүлж байгаа юм. Энэ төсөл Үндэсний баяр наадамтай ямар ч хамааралгүй гэж байна.БСШУСЯ-наас үндэсний бөхөөр хичээллэж буй залуусаас тэмцээний болон тэмцээний бусад үед допингийн шинжилгээний сорьц авах чиглэл өгсөн байна. Энэ дагуу бид өнгөрсөн 9 сараас эхлэн зохиогдсон заал танхимын томоохон барилдаанд зодоглосон 35 бөхөөс допингийн шинжилгээний сорил авчээ. Допинг хэрэглэсэн нь А сорьцын шинжилгээгээр тогтоогдсон бөхчүүдийн дунд улсын цолтой болон аймгийн цолтой хүмүүс ч байгаа юм Допингийн шинжилгээг хийхдээ үндэсний баяр наадмаас хойш хийсэн учраас бөхчүүдийн цолыг хураахгүй. Өөрөөр хэлбэл ямар баяр наадмын тухай хуулиар бус МҮБХ-ны дүрмийн дагуу шийдвэрлэнэ гэсэн тайлбарыг БТСГ-ын Спортын анагаах ухаан, эрдэм шинжилгээний албаны их эмч Ч.Насанбатаас өгч байна. Уг асуудлаар МҮБХ маргааш мэдээлэл хийх бөгөөд Ер нь бол үндэсний шигшээ багт харъялагддаг бусад төрлийн тамирчид болон үндэсний бөхчүүд нийлсэн 200 гаран тамирчнаас энэ сорилыг авсан байна. Эндээс үндэсний бөхийн 5 тамирчны сорьц эерэг гарсан байна.