ОРОН СУУЦНЫ ИПОТЕКИЙН ЗЭЭЛ ХАМГИЙН ЭРСДЭЛ БАГАТАЙ ЗЭЭЛД ТООЦОГДОЖ БАЙНА

Нийт 93147 зээлдэгчид 4.3 их наяд төгрөгийн санхүүжилт хийгджээ. Өнгөрсөн нэгдүгээр сард 497 зээлдэгчид 34.9 тэрбум төгрөгийн зээл шинээр олгожээ. Хугацаа хэтэрсэн зээл 2.2%, чанаргүй зээл 1.8%-тай байгаа аж.

Нэг зээлдэгчид дунджаар 70.3 сая төгрөг олгосон бөгөөд Улаанбаатар хотод 80.4 сая төгрөг, орон нутагт 44.2 сая төгрөг байна. Ипотекийн зээлийн үлдэгдлийн 60.3% буюу 2.6 их наяд төгрөгөөр 32011-2015 онд ашиглалтад орсон орон сууц худалдан авчээ. Ипотекийн зээлийн үлдэгдлийн 90.8% буюу 3856.9 тэрбум төгрөг 80м2 хүртэлх талбай бүхий орон сууц худалдан авахад зарцуулагдсан байна.

Ипотекийн зээл авч байгаа иргэдийн 38.6 хувь нь 40-60 ам.метр, 28.2 хувь нь 60-80 ам.метр, 24 хувь нь 40-өөс доош ам.метр талбайтай орон сууц авчээ. Нийт зээлдэгчдийн тоо 93191 байгаагийн 64.1% нь 2 сая хүртэлх төгрөгийн өрхийн орлоготой, 73% нь Улаанбаатар хотод байршилтай орон сууц худалдан авчээ.