Э.ДАШ, Б.ПҮРЭВСАЙХАН НАР ДОПИНГ ХЭРЭГЛЭЭГҮЙ ГЭВ

Монгол түмний уламжлалт баяр Цагаан сарын барилдаан өргөн дэлгэр болж, бөх сонирхогчдын магнайг ёстой л тэгнийлгэлээ. Энэ барилдаанд өнөө цагийн бөхийн өнгийг тодорхойлж буй идэр залуу аварга, арслан, гарьд, заан цолтой олон хүчтэн зодоглосон. Гэхдээ арслан Э.Оюунболд, гарьд Ө.Бат-Орших, заан Б.Пүрэвсайхан, Н.Жаргалбаяр, начин Э.Даш нарын олон шилдэг бөх энэ барилдаанд зодоглоогүй. Монголын допингийн эсрэг үндэсний төвөөс өнгөрсөн жилийн Улсын баяр наадмаас хойш бөхчүүдээс допингийн шинжилгээ авсан байна. Энэ шинжилгээнд таван бөх бүдэрсэн бөгөөд допинг хэрэглэсэн хүний нэрийг зарлах болоогүй хэмээн албаны хүн хэллээ. Дээрх допинг хэрэглэсэн бөхчүүдийг сая болсон Цагаан сарын барилдаанд оролцуулаагүй аж. Дээрх бөхчүүдийн нэрийг удахгүй албан ёсоор зарлах юм байна.