"ЮНИВИШН”, “СКАЙМЕДИА”-ГААР НӨХӨЖ ҮЗЭХ БОЛОМЖГҮЙ ГЭЖ МЭДЭГДЭВ

IPTV, Интернэт, Суурин утасны гурвалсан үйлчилгээ үзүүлдэг "Юнивишн" болон "Скаймедиа" компаниуд нэр бүхий сувгийг нөхөж үзэх боломжгүй болсон тухай хамтран мэдэгдэл гаргажээ.Тодруулбал," Монгол ТВ-ийн албан ёсны хүсэлт шаардлагын дагуу өнөөдрөөс эхлэн тус телевизийг IPTV үйлчилгээ үзүүлэгч бүх оператор буюу Юнивишн, Скаймедиа компанийн сувгуудаар ухрааж, зогсоож, нөхөж үзэх боломжгүй болсныг мэдэгдэж байна" гэжээ.Харин уг компаниудад хэрэглэгчид энэхүү ухрааж, зогсоож, нөхөж үйлчилгээг авахаар сар бүр 3000 төгрөгийн хураамж төлдөг билээ.Тэгвэл тус телевизийн зүгээс мөн энэ талаар тайлбар хийхдээ

"IPTV үйлчилгээ болон түүний нэмэлт үйлчилгээ болох ухраах, зогсоох, нөхөж үзэх үйлчилгээ нь Монгол телевизийн үйл ажиллагаанд ямар нэгэн байдлаар хамааралгүй болно. Таны уг үйлчилгээнд зориулан төлдөг төлбөрөөс Монгол телевиз нэг ч төгрөг авдаггүй болно.Оператор компаниуд нь үндэсний телевизийн контент үйлдвэрлэгчдийг гадаадын оюуны өмчийг үнэлдэг жишгийн дагуу үнэлэн, үзэгчдийн төлдөг төлбөрийг зохистой хувь хэмжээгээр дотоодын телевизүүдтэй хуваалцаж эхэлсэн нөхцөлд ухраах, зогсоох, нөхөж үзэх үйлчилгээг хэвийн үргэлжлүүлэх боломж бүрдэх юм" гэсэн байна.