ХОГИЙН ЦЭГ ДЭЭР НУРАНГИ ҮҮСЧ 17 ХҮН АМИА АЛДЛАА

Африкийн зүүн өмнө зүгт орших Мозамбик улсын нийслэл Мапуто хотод их хэмжээний усархаг бороо орсны улмаас хогийн цэг дээр нуралт үүсч багаар бодоход 17 хүн дарагдаж амь насаа алдаад байна. 3 давхар байшинтай тэнцэх хэмжээний хогон доор дарагдсан хүмүүсийн 4 нь насанд хүрээгүй хүүхдүүд байсан бол 2 хүн гэмтэж бэртсэн байна. Аврах багийн ажилтан "бид хогон доороос гурван хүнийг олсон. Харамсалтай нь тэд бүгд үхсэн байсан" гэж ярьжээ. Аврах албаныхан нурсан хогийг зайчилж дахин нуранги үүсч хүмүүсийг дарагдахаас хамгаалах арга хэмжээг авсан байна. Нурангин доор 5 байшин дарагдаж сүйдсэн бол эрх баригчид хогийн цэгийн ойролцоо хэдэн арван иргэд амьдарч хог түүн амьдралаа залгуулдаг гэж мэдэгджээ.