ЖИЛ БҮР 2,6 САЯ НЯРАЙ ХҮҮХЭД ЭНДСЭЭР БАЙНА

Дэлхий дээр шинээр мэндэлсэн 2,6 сая хүүхэд нэг сар ч бололгүй амь насаа алддаг. Тэдний нэг сая орчим нь ганц хоног амьдралгүй хорвоог орхидог гэж НҮБ-ын хүүхдийн байгууллагаас мэдэгдлээ. Ялангуяа ядуу, буурай орнуудад нярай хүүхдийн эндэгдэл өндөр байдаг бол дутуу төрсөн хүүхдүүдийн асаргаа, шаардлагатай эм бэлдмэлийн дутагдлаас болдог байна. Юнисефийн мэдээлж байгаагаар Япон, Исланд, Сингапурт дутуу төрсөн нярай хүүхдийн амьд үлдэх магадлал байдаг бол энэ жагсаалтын 12-рт Герман улс бичигджээ. Тэгвэл Пакистан, Төв Африк, Афканистан зэрэг орнуудад дутуу төрсөн хүүхдийн эндэгдэл хамгийн өндөр байдгаас гадна Пакистан улсад шинээр мэндэлсэн 22хүүхдийн нэг ньнэг сар хүрэлгүй нас бардаг гэсэн үзүүлэлт байгаа юм. Энэ нь длайн, ядуурлаас хамааралтайгаас гадна эдгээр орнуудад жирэмсэн эхчүүдэд тавьдаг халамж, хангамж муу байдаг, мөн дэд бүтэц муу хөгжсөн зэрэгтэй холбоотой юм. Юнисефийн ажилтан Уиллибалд Цек "Төрөх дөхсөн эмэгтэйчүүд эмчид эсвэл эмнэлэгт үзүүлэхийн тулд бүтэн өдөржин явган явдаг. Хэрвээ үзүүлэх нь тийм ч таатай санагдахгүй бол тэд ийм уртзамыг туулж очих хэрэг байна уу гэж эргэлздэг. Тэгээд л тэд гэртээ төрөхөөр шийддэг. Тэдэнд аз тохиолдвол уламжлалт аргаар эх барьдаг хүн олддог боловч тэр нь найдвартай биш юм" гэж хэлж байна. Нярай хүүхдүүдийн эндэгдлийн ихэнх хувийг энгийн, боломжийн арга замаар шийдвэрлэх боломжтой байдаг. Үүнд мэргэжлийн эх баригч эмч хамгийн чухал. Түүнээс гадна ариутгах хэрэгсэл, цэвэр усыг мартаж болохгй. Төрсний дараа нярай хүүхдүдийг шууд хөхүүлж эхтэй нь ойр байлгах хэрэгтэй юм.