АНУ-ЫН ИРГЭД ЗЭВСГИЙН ХУУЛИЙГ ЧАНГАРУУЛАХЫГ ШААРДАЖ БАЙНА

Флоридаад гарсан зэвсэгт халдлагын дараа АНУ-д зэвсгийн хуулийг чангаруулахыг шаардсан иргэд нэмэгдсээр байна. Үүнтэй холбоотойгоор тус улсын өнцөг булан бүрт олон мянган сурагч гудамж талбайд гарч эсэргүүцлээ илэрхийлж байна. Иргэд ерөнхийлөгч Доналд Трампыг "NRA" буюу "Үндэсний бууны холбоо"-г дэмжиж байна гэж буруутгаж байгаа юм. Тэрээр сонгуулийн компанит ажлынхаа үеэр тус байгууллагаас 30сая доларыг авсан байна. Анжелина Лазо өнгөрсөн лхагва гарагт зэвсэгт халдлага гарсан Стөүнман Дуглас ахлах сургуульд сурдаг. "энэ халдлагын үеэр би найзуудаа алдсан. Би маш их уйлж бас уур маань хүрч байна. Би уурлаж байгаагаа илэрхийлж ямар нэг зүйл хийхийн тулд энд ирсэн" гэж хэлж байна. Халдлагаас амьд үлдсэн нэгэн сурагчийн ээж Трексиа Бонилла "Охин маань сэтгэл санааны хямралд орчихоод байна. Тэр ямар ч хүүхдэд хэзээ ч тохиолдох ёсгүй тийм зүйлийг үзэж тууллаа. Бидсургуулиудад илүү олон цагдаа, аюулгүйн албаны ажилчдыг байрлуул гэж шаардаашзй байна. Төмөр илрүүлэгч багаж ч хэрэггүй. Харин зэвсгийн хуулийг өөрчлөхийг Д.Трамп болон засгийн газраас шаардаж байна" гэж ярилаа. Паркландын 19 настай зэвсэгт этгээд буугаа хуулийн дагуу авсан байжээ. Түүний бууны суманд 17 хүн өртөж амь насаа алдсан юм. Өнгөрсөн 7хоногоос ерөнхийлөгч Доналд Трамп зэвсэг эзэмших талаар ганц ч үг хэлээгүй байна. Энэхүү халдлага нь шинэ он гарснаас хойш АНУ-ын сургуулиуд дээр болсон 18 дахь удаагийн зэвсэгт халдлага байжээ.