ГАЛ ГАРСАН БАЙШИНГИЙН ЗООРИНООС ХОЁР АВАРГА МОГОЙ ОЛДЖЭЭ

Вени хотынгал сөнөөгчид Макс Мауэрманн гудамжинд байдаг байшинд гарсан галыг унтраах үеэрээ зоориноос нь 1м урттай аварга могой болон туулайг аварсан бол хоёр дахь могой аврагдаж чадалгүй үхсэн байжээ. Одоогийн байдлаар галын шалтгаан тодорхойгүй байгаа бол энэ үеэр хүн гэмтэж бэртсэн тохиолдол гараагүй байна. Гал сөнөөгчдийг очиход байшингийн зоорины цонхнууд болон хаалганаас нь өтгөн утаа суунаглаж байжээ. Байшингийн зооринд байрлуулсан хоргоноос хоёр аварга могойг гаргаж авсан байна.Гал сөнөөх албаны хэвлэлийн төлөөлөгч Лукас Шауэр "Могой мэддэг нэг ажилтан маань амьтдыг аварсан" гэж хэллээ. Харин утаагаар дүүрсэн дээд давхраас торонд хийсэн туулайг олсон бөгөөд түүнд хүчилтөрөгч амьсгалуулж амийг нь аварсан байна.