ЖҮЖИГЧИН ЖЕННИФЕР АНИСТОН, ЖАСТИН ТЕРОКС НАР САЛСАН БАЙНА

Гэрлээд хоёр жил хагас болж байгаа ч хамтдаа 7жилийг өнгөрүүлсэн жүжигчин Женнифер Анистон(49), Жастин Терокс(46) нас салсан байна. Жүжигчид салалтынхаа талаар мэдэгдэл хийх үеэрээ "Бид өнгөрсөн жилийн сүүлчээр харилцан ярилцсаны эцэст ийм шийдвэр гаргасан" гэж хэллээ. 2005 он хүртэл Брэд Питтей гэрлэсэн байсан Женнифер Анистон 2008 онд Терокстой "Халуун орны аянга" киноны зураг авалтын үеэр танилцаж 2011оноос хойш үерхэж байгаад 2015оны 8-р сард Тероксыг 44 нас хүрэхээс хэдхэн хоногийн өмнө гэрлэсэн юм. "Бид хосууд байхаа больж зам салсан ч, сайн нөхөд хэвээр байхаар шийдсэн. Бид цаашдын нөхөрлөлөө хүндэтгэж явах болно" гэж жүжигчид хэвлэлийн төлөөлөгчөөр дэмжуулан хэлүүлсэн байна. Алдартнуудын салах болсон тухайгаа албан ёсоор мэдэгдэх болсон шалтгаанаа шар хэвлэлээр цуу яриа гарахаас сэргийлэх зорилготой гэж хэлсэн байна. Тэд шар хэвлэлээр элдэв таамаг гарахаас сэргийлэх үүднээс ийнхүү хамтарсан албан ёсны мэдэгдлийг төлөөлөгчөөрөө дамжуулан хийхээр шийджээ.